Чүй районунун жана Токмок шаарынын 800дөн ашуун бүтүрүүчүлөрү кесип тандоо боюнча консультациядан өтүштү
Чүй районунун жана Токмок шаарынын мектептеринин 841 бүтүрүүчүсү жыл башынан бери кесиптик багыт алуу боюнча консультациялардан өтүштү. Бул тууралуу Чүй район аралык эмгек, социалдык камсыздоо жана миграция башкармалыгынан билдиришти.
Консультациялардын жүрүшүндө окуучулар жеке жөндөмдүүлүктөрүн аныктоого жана аларды кесиптик чөйрөнүн талаптары менен салыштырууга мүмкүндүк берген кызыкчылыктардын навигаторунан өтүштү. Башкача айтканда, тест өспүрүмгө кандай иш-чаралар ылайыктуу экендигин жана келечектеги кесипти кайсы багытта тандоо керектигин көрсөтөт.
Башкармалыкта ошондой эле жыл башынан бери жумушсуз 40 жаран кесиптик даярдыктан өтүп, чач тарач, ашпозчу, тигүүчү, газ электр ширетуучу жана ИК оператору кесибин ала алышкандыгы айтылды.
