Былтыр Кыргызстандын дээрлик 20,5 миң жараны чет өлкөгө ишке орношкон
2024-жылы Кыргызстандын 20 миң 497 жараны чет өлкөгө ишке орношкон. Бул тууралуу маалыамат жыйында Эмгек, социалдык коргоо жана миграция министрлигинин Жарандарды чет өлкөдө ишке орноштуруу борборунун бөлүм башчысы Арслан Байсопуев билдирди.
Анын айтымында, анын ичинен 16 миң 204 жаран өлкөнүн жеке менчик агенттиктери тарабынан ишке орношторулган. Ал эми быйыл февраль айынын соңуна чейин 1 миң 064 адамга чет өлкөдөн иш табышкан.
“Бүгүнкү күндө жеке мекенчик агенттиктердин дүйнөнүн 29 өлкөсүнө ишке орноштурууга мүмкүнчүлүгү бар. Ишке орношкон жарандарыбыздын көпчүлүгү жайкы сезондук иштерге кеткендер. Борбор кызматташтыктын географиясын кеңейтүү, эмгек миграциясын жөнгө салуу жана чет өлкөлөрдөгү Кыргызстандын жарандарынын укуктарын коргоо механизмдерин өркүндөтүү боюнча иштерди улантууда”,-деди ал.
