Былтыр Кыргызстанда калктын реалдуу акчалай кирешеси 18,6% өскөн

2024-жылы Кыргызстандын калкынын номиналдык акчалай кирешелери 926 млрд сомду түздү.

Улуттук статистикалык комитеттен билдиришкендей, бул өткөн жылга салыштырмалуу 18,6 пайызга көбөйдү.

Муну менен катар 2024-жылы керектөө бааларынын индексин эске алуу менен эсептелген калктын реалдуу акчалай кирешелеринин көлөмү 881,9 млрд сомду түзүп, өткөн жылга салыштырмалуу 12,9 пайызга көбөйгөн.

Милдеттүү төлөмдөр жана төгүмдөр кошулбай эсептелген кирешелерди мүнөздөгөн, калктын адам башына бөлүнгөн орточо акчалай кирешелери 2024-жылы жалпысынан республика боюнча айына 11 318,6 сомду түзүп, 2023-жылга салыштырмалуу 16,5 пайызга көбөйдү.