Быйыл Жалал-Абад облусунда 65 миңден ашык “акылдуу” эсептегич орнотулат
Быйыл Жалал-Абад облусунда 65 миңден ашык “акылдуу” эсептегич орнотулат.
Энергетика министрлигинен билдиришкендей, эсептегичтер Сузак районунун Көк-Арт өрөөнүнө, ошондой эле Токтогул жана Ноокен райондоруна коюлат.
Белгилей кетсек, 2025-жылы облуста 82 миң “акылдуу” эсептегич орнотулган. Анын ичинде:
- Сузак районунда — 34 711;
- Базар-Коргон районунда — 33 650;
- Майлуу-Суу шаарында — 7 165;
- Кара-Көл шаарында — 6 501.
“Акылдуу” эсептегичтер электр энергиясын так эсептөөдөн тышкары, электр жабдыктарын ашыкча жүктөмдөн жана бузулуулардан коргоп, электр энергиясын алыстан көзөмөлдөөгө мүмкүнчүлүк берет. Ошондо эле эсеп-кысап иштеринде адам факторун азайтып, керектелген электр энергиясы боюнча так жана ыкчам маалымат алууга шарт түзөт жана мыйзамсыз кошулууларды аныктоого жардам берет.
