Босния жана Герцеговина Президиумунун төрагасы Желько Комшич Садыр Жапаровду жана кыргыз элин Эгемендүүлүк күнү менен куттуктады

Босния жана Герцеговина Президиумунун Төрагасы Желько Комшич Кыргыз Республикасынын Президенти Садыр Жапаровду жана кыргыз элин Эгемендүүлүк күнү менен куттуктады.

«Босния жана Герцеговина Президиумунун атынан жана жеке өзүмдүн атымдан Сизди жана Сиздердин жарандарды Кыргыз Республикасынын Эгемендүүлүк күнү менен чын жүрөктөн куттуктап, өлкөңүзгө мындан аркы гүлдөп-өсүүнү каалагым келет.

Босния жана Герцеговина менен Кыргыз Республикасынын ортосундагы достук мамилелери өлкөлөрүбүздүн жыргалчылыгы үчүн мындан ары да өнүгө берет деп ишенем», – деп айтылат телеграммада.