Борбор калаага Кытайдан 20 Yutong автобусу келди
Бишкекке Кытайдан жаңы автобустардын биринчи партиясы келди. Бул тууралуу мэриядан билдиришти.
Маалыматка ылайык, ЕРӨБдүн “Жашыл шаар” долбоорунун алкагында 20 даана жаңы Yutong автобусу келди.
Узундугу 12 метр болгон жаңы автобустар үч эшиктүү, заманбап талаптарга жооп берет.
Долбоор боюнча жалпысынан 95 автобус пландаштырылууда, калгандары буга чейин эле колдонууга берилген.
Бишкек мэриясы тарабынан борбор калаанын автобус паркын жакшыртуу, шаар тургундары жана коноктору үчүн ыңгайлуу шарттарды түзүү боюнча комплекстүү чаралар көрүп жатканы айтылды.
