Бишкекте мигранттардын коопсуздугу үчүн инновациялык технологиялардын презентациясы өттү

Бишкекте мигранттардын коопсуздугу үчүн инновациялык технологиялардын презентациясы өттү. Бул тууралуу Эмгек, социалдык камсыздо жана миграция министрлигинин басма сөз кызматынан билдиришти.

Маалыматка ылайык, ведомство башчысы Гүлнара Баатырова санариптик форматтагы чек аралардан тоскоолдуксуз жана коопсуз өтүүнү камсыз кылган швейцариялык Travizory компаниясынын өкүлдөрү менен жолугушту.

Жолугушууга Кыргызстандын Азербайжандагы элчиси Кайрат Осмоналиев да катышты.

Гүлнара Баатырова мигранттардын коопсуздугун камсыз кылуу президент тарабынан министрликтин алдына коюлган маанилүү милдет экенин баса белгиледи.

“Министрлик кыргызстандыктарды чет өлкөлөрдө ишке орноштурууга көмөк көрсөтөт жана коопсуз жүрүү биз үчүн маанилүү”, – деди ал.

Компаниянын өкүлдөрү VMPнин, өзгөчөлүктөргө бай жана өтө коопсуз булутка негизделген тутуму жөнүндө айтып беришти, ал саякатчынын саякат жана ден соолугу жөнүндө маалыматтарын авиакомпаниялар тарабынан берилген маалыматтар менен, ошондой эле улуттук жана эл аралык тизмелер менен үзгүлтүксүз бириктирет. Бул системалар чек арадан аба, кургактык, деңиз, дарыя же жөө басып өтүүнү пландап жаткан ар бир адамга ар тараптуу мониторинг жүргүзүү менен саякатчылар тууралуу маалыматтарды чогултары айтылды. Бул белгисиздикти жок кылат, талдоо жана профилдөө процессин, адатта, келгенден кийин ишке ашырууга жол ачат.