Бишкекте Манас проспектиси көрктөндүрүлөт

Коом
admin
May 23, 2023
0
1 мүнөт окуу

Борбор калаанын мэри Эмилбек Абдыкадыров Манас проспектисин көрктөндүрүү боюнча шаардык кызматтардын жетекчилери менен жумушчу кеңешме өткөрдү. Бул тууралуу Бишкек шаарынын мэриясынын басма сөз кызматы билдирди.

Калаа башчысы бардык жарнамаларды эрежеге жана жобого ылайыкташтырууну тапшырды.Муниципалдык менчикти башкаруу департаментине Манас проспектисинин боюндагы бардык кире бериш топторду жана тепкичтерди иретке келтирүү тапшырылды. Ошондой эле тиешелүү документтерди Кыргыз Республикасынын мыйзамдарына ылайык келтирүүгө милдеттендирилди.

Эмилбек Абдыкадыров ошондой эле шаардык кызматтардын жооптуу жетекчилеринин көңүлүн проспектидеги тосмолордун абалына бурду.