Бишкекте кыргыз-түрк мамилелеринин абалы жана келечеги талкууланды

Күн мурун тышкы иштер министринин орун басары Медер Абакиров Түркиянын Кыргызстандагы элчиси Мекин Мустафа Кемал Өкем менен жолугушту.

Ведомстводон маалымдашкандай, жолугушууда тараптар үстүбүздөгү жылдын 27-29-апрелинде Түркиянын Улуу Улуттук Жыйынынын төрагасы Нуман Куртулмуштун Кыргызстанга болгон расмий сапарына канааттангандыгын билдирип, жогорку жана эң жогорку деңгээлдеги сапарларды уюштуруунун мындан аркы пландарын талкуулашты.

Анда ошондой эле саясий, соода-экономикалык жана маданий-гуманитардык чөйрөлөрдөгү, ошондой эле актуалдуу консулдук маселелер боюнча пикир алмашуу болду.