Бишкекте балдардын рак оорусуна каршы күрөшүүнүн эффективдүү стратегиялары боюнча семинар өттү

2024-жылдын 28-майында Бишкекте балдардын рак оорусуна каршы күрөшүүнүн эффективдүү стратегиялары боюнча семинар болуп өттү. Иш-чара биринчи айым Айгүл Жапарованын, КР Саламаттыкты сактоо министрлигинин өкүлдөрүнүн, ДССУнун эл аралык эксперттеринин, ошондой эле балдар онкологиясы тармагындагы алдыңкы адистердин катышуусунда өттү.

Иш-чаранын максаты балдардын рак оорусуна каршы күрөшүүдө улуттук жана эл аралык уюмдардын аракеттерин бириктирүү. Балдар онкологиясынын актуалдуу проблемаларын талкуулоо. Рак оорусунан жапа чеккен балдардын жашоо жана дарылоо сапатын жакшыртуу үчүн натыйжалуу чечимдерди табуу.

Өз сөзүндө Биринчи айым бүгүнкү семинар эл аралык кызматташууга умтулганыбызды гана эмес, балдарыбыздын ден соолугун жакшыртууга болгон умтулуубузду да чагылдырарын белгиледи.