Бишкек ЖЭБинде күз-кыш мезгилине даярдык көрүү боюнча иштер уланууда
Бүгүнкү күндө Бишкек ЖЭБинде 2024-2025-жылдардын күз-кыш мезгилине даярдык көрүү иштери уланууда. Капиталдык жана учурдагы оңдоо иштери менен катар көмөкчү жумуштар да жүргүзүлүүдө, аларды ишке ашыруу бүтүндөй ишкананын ишин да аныктайт.
⠀
Ошентип, кубаттуулукту калыбына келтирүү үчүн учурда камсыздоо каналын ылайдан, балырлардан жана чоподон тазалоо иштери жүрүп жатат. Айта кетсек, каналдын боюндагы бир нече аянттарда атайын техникалар жана каналдын түбүнүн бир бөлүгүн дренаждоо иштери параллелдүү жүргүзүлүүдө.
⠀
ЖЭБдин берүү каналы, тиешелүү болгон техникалык суу менен камсыздоо тутумунун максаты, турбиналык конденсаторлордо өтө ысып кеткен бууну муздатуу, көмөкчү жабдууларды жана айлануучу механизмдерди муздатуу үчүн техникалык суу менен камсыз кылуу болуп саналат. Тазалоо иштеринин негизги максаты – ЖЭБде электр энергиясын өндүрүүнүн азайышына алып келиши мүмкүн болгон муздаткыч суунун өткөрүмдүүлүгүнүн төмөндөшүнө жол бербөө болуп саналат.
⠀
Белгилей кетсек, Бишкек Жылуулук электр борбору Кыргыз Республикасынын бүткүл түндүгүн электр энергиясы, Бишкек шаарын жылуулук жана ысык суу менен камсыз кылган татаал технологиялык процесси бар стратегиялык ишкана.
⠀
Маалымат үчүн: ЖЭБди суу менен камсыз кылуунун негизги булагы болуп, ЖЭБден4 чакырымдай аралыкта жайгашкан Батыш БЧК эсептелет. ББЧКтан суу жээктеги үч насостук станцияга (БНС-1, 2, 3) жеткирүүчү канал аркылуу берилет, жалпы чыгымы 28 м3/сек. Жээктеги насостук станцияда (БНС) циркуляциялык насостор орнотулган, алар кайра иштетүүчү сууну циркуляциялык түтүктөр аркылуу айдайт. БНСтын аймагынан ЖЭБдин аймагына чейин жер астынан тартылган циркуляциялык суу түтүктөрү, ЖЭБди суу менен камсыз кылуунун резервдик булагы, чыгымы 15 м3/с чейин болгон Аламүдүн темир-бетон каналы (жогорку агым) болуп саналат.
