Бүгүн Кыргызстанда мектеп босогосун 150 миңге жакын окуучу аттады
Бүгүн Кыргызстанда мектеп босогосун 150 миңге жакын окуучу аттады.
Билим берүү жана илим министрлигинен билдиришкендей, 2024-2025-окуу жылынын башталышында жалпы билим берүүчү мекемелердин 1-4-класстарына биринчи сабак “Билим – бул күч” темасында өтүлөт.
Сабак Кыргызстандын түптөлүшүнө жана билим берүүгө чоң салым кошкон улуу инсандар, билимдин маанилүүлүгү жөнүндө маалымат берүү максатын көздөйт.
Ал эми 5-11-класстын окуучуларына биринчи сабак “Кыргыз мамлекеттүүлүгүн түптөгөн аталар” темасында өткөрүлөт.
Анда Кыргызстандын мамлекеттүүлүгүн түптөөдө Кыргыз автономиялуу облусун түзүлгөндүгүнүн мааниси түшүндүрүлүп, азыркы мамлекеттүүлүктү түптөгөн аталар жөнүндө маалымат берилет.
