Бүгүн Кыргызстанда Ак калпак күнү белгиленет

Бүгүн, 5-мартта Кыргызстанда Ак калпак күнү белгиленет. Бул күнгө карата мамлекеттик катчы Сүйүнбек Касмамбетов кыргызстандыктарды куттуктады.

“Ак калпак кийсек касиет

Ар дүйнөң дагы баш иет…

Ак калпак кийсек жан калбай,

Аалам да белги салгандай.

Кай жерге кыргыз чогулса

Ала-Тоо жылып баргандай.

Күн нуру башка тийгендей,

Бүт дүйнө тааныйт билгендей.

Ак калпак кийип кыдырсак,

Аскалар басып жүргөндөй.

Ак калпак кийген Манасты айт,

Аздектеп кийген адатты айт.

Ааламга кеткен кыргыздар,

Ак калпак кийсе адашпайт.

Калпагым эле керек болсо, башымды кошо кесип алгыла – деген Төрөнүн төө көтөргүс сөзү, төрдө илинип турсун…

Улуттун улуу булагы

Уңгудан чыкпай туралы.

Күнөстөп баштан түшүрбөй

Күнүгө майрам кылалы!”, – деди Касмамбетов.

Белгилей кетсек, Ак калпак күнү өлкөдө 2011-жылдан баштап белгилене баштаган. 2016-жылы Жогорку Кеңеш тарабынан 5-март – Ак калпак жана улуттук кийимдер күнү деп расмий түрдө бекитилген.