Атыр Абдрахматова кызмат ордунан мөөнөтүнөн мурда бошотулду

Бүгүн, 3-майдагы Жогорку Кеңештин жыйынында “Ата-Журт Кыргызстан” парламенттик фракциясынын сунушу менен Кыргыз Республикасынын Акыйкатчысы (Омбудсмени) Атыр Абдрахматованы кызмат ордунан мөөнөтүнөн мурда бошотуу маселеси каралды. Бул тууралуу КРнын Жогорку Кеңешинин коомчулук жана ЖМК менен иштөө бөлүмү билдирди.

Алсак, аталган сунушту Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети карап, колдогон.

Жыйынтыгында сунушка добуш берилип, көпчүлүктүн добушу менен Атыр Абдрахматова ээлеген кызмат ордунан мөөнөтүнөн мурда бошотулду.