Аламүдүн ГЭС-5тин суткалык жөнгө салуу бассейнине күн электр станциясы курулууда

Аламүдүн ГЭС-5тин суткалык жөнгө салуу бассейнине күн электр станциясы курулууда. Бцл тууралуу КРнын Энергетика министрлигинен маалымдашты.

Чакан ГЭС ” ААК биринчилерден болуп Аламүдүн ГЭС-5тин суткалык жөнгө салуу бассейнине орнотулуучу күн электр станциясынын пилоттук долбоорун ишке ашырууга киришти. Эскерте кетсек, техникалык жардам долбоору боюнча Азия өнүктүрүү банкы (АӨБ) тарабынан калкып жүрүүчү күн электр станцияларын өнүктүрүүгө грант бөлүнгөн. Белгилей кетсек, калкып жүрүүчү электр станциялары долбоору биринчи кезекте станциялардын эң жогорку жүктөм менен иштеген кезинде жана суу ресурстарынын жетишсиз мезгилинде иштешин колдоо катары каралууда.

АӨБ эксперттери ГЭС-5 суу сактагычынын күзгүсүнө, аянты 1200м² жана алдын ала кубаттуулугу 100 кВт болгон фотоэлектр панелдерин орнотуу ордун аныкташты. Ошондой эле, испаниялык “Гамма” компаниясы АӨБ тарабынан фотоэлектростанциянын (ФЭС) курулушунун башкы подрядчиги катары аныкталды. Субподрядчик болуп “Нарын адистештирилген гидроэнергомонтаж” ЖЧК тандалган.

Бүгүнкү күндө фотоэлектростанциянын негизги жабдуулары ГЭС-5 кампасына келип түшкөн, ал эми “Нарын адистештирилген гидроэнергомонтаж” ЖЧКнын жумушчулары күн панелдерин чогултуу үчүн бассейн жээгине пирс курууга киришишти.

Айтмакчы, долбоор ийгиликтүү аяктагандан кийин “Чакан ГЭС” ААК суу сактагычтын аймагына ФЭС куруну улантууну көздөөдө. Резервуардын аймагы суу сактагычтын 60% бетине суу сактагычты орнотууга мүмкүндүк берет.