Акылбек Жапаров илимдер академиясы менен кардиология жана терапия борборунун капремонттон өткөрүү иштери менен таанышты

Кыргыз Республикасынын Министрлер Кабинетинин Төрагасы-Президенттин Администрациясынын Жетекчиси Акылбек Жапаров Улуттук илимдер академиясынын жана М.Миррахимов атындагы улуттук кардиология жана терапия борборун капиталдык ремонттон өткөрүү иштери менен таанышты.

 

Алгач МинКаб башчысы Акылбек Жапаров Улуттук илимдер академиясында жүрүп жаткан капиталдык оңдоп түзөө иштерин көрүп чыкты. Жалпысынан 29 миң чарчы метр имаратты жана сырткы көрүнүшүн жасалгалоо үчүн 497 млн сом каралган. Маалым болгондой капиталдык ремонттоо иштерин 2024-жылдын ноябрь айынын аягына чейин бүткөрүү тапшырмасы коюлган.

 

Ошондой эле Министрлер Кабинетинин Төрагасы М.Миррахимов атындагы Улуттук кардиология жана терапия борборунун капиталдык оңдоп түзөө иштери менен таанышты. Жалпысынан 460 млн сомдон ашуун каражатка жасалып жаткан ремонт иштери, борбордун Бишкектеги жана Төө-Ашуу белиндеги имараттарында жүргүзүлүүдө.

 

МинКаб башчысы капиталдык ремонт иштерин өз убагында жана сапаттуу бүткөрүүнү тапшырды.

Связанный пост