Адылбек Касымалиев Дүйнөлүк банктын башкаруучу директору Анна Бьерде менен Камбар-Ата ГЭС-1ди ишке ашырууну талкуулады

Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Адылбек Касымалиев Вашингтонго (Америка Кошмо Штаттары) жумушчу сапарынын алкагында Эл аралык Валюта Фондунун жана Дүйнөлүк Банктын Жазгы жолугушууларынын аянтчасында Бүткүл дүйнөлүк банктын операциялык ишмердүүлүгү боюнча башкаруучу директору Анна Бьерде менен жолугушту.

Адылбек Касымалиев Бүткүл дүйнөлүк банкка көп жылдык үзүрлүү өнөктөштүгү жана Кыргыз Республикасынын социалдык-экономикалык өнүгүүсүнө кошкон зор салымы үчүн чын жүрөктөн ыраазычылык билдирип, биргелешкен аракеттер көрүнүктүү натыйжаларга жетишүүгө мүмкүндүк берээрин баса белгиледи. Ал бул жолугушуу өз ара пайдалуу кызматташтыкты мындан ары чыңдоого жана кеңейтүүгө жаңы дем берээрине ишенимин билдирди.

МинКаб башчысы Анна Бьердеге өлкөнүн учурдагы экономикалык абалы тууралуу кеңири маалымат берип, акыркы үч жылда орточо 9% түзгөн экономикалык өсүштүн туруктуу жогорку темптерин белгиледи, ал эми 2025-жылдын биринчи кварталында таасирдүү 13% өсүш катталганын белгиледи. Ал динамикалуу өсүш экономиканын, курулуштун жана кызмат көрсөтүүнүн негизги тармактарынын өнүгүшүнө байланыштуу экендигин баса белгиледи.

Адылбек Касымалиев Анна Бьердени 2030-жылга чейин Кыргыз Республикасын өнүктүрүүнүн бекитилген Улуттук программасынын негизги жоболору менен тааныштырып, анын негизги максаты экономиканын туруктуу жана инклюзивдүү өсүшүн камсыз кылуу, жарандардын жашоо сапатын жогорулатуу жана экономиканын негизги тармактарын комплекстүү өнүктүрүү экендигин баса белгиледи. Программа өнүгүүнүн төрт стратегиялык векторуна негизделген: тездетилген индустриялаштыруу, аймактык соода-логистикалык хабды түзүү, атаандаштыкка жөндөмдүү айыл чарба жана туризмди өнүктүрүү жана “жашыл” энергетикага өтүү.

Жолугушууда Кыргыз Республикасы үчүн абсолюттук артыкчылыктуу жана өлкөнүн гана эмес, бүтүндөй Борбордук Азия чөлкөмүнүн энергетикалык коопсуздугун камсыз кылуу үчүн зор мааниге ээ болгон Камбар-Ата ГЭС-1ди куруу боюнча стратегиялык долбоорду ишке ашырууга өзгөчө көңүл бурулду. Министрлер Кабинетинин башчысы Кыргыз өкмөтү өз каражаттарынын эсебинен даярдык иштерин каржылоону улантып жатканын, ал эми техникалык-экономикалык негиздемени (ТЭН) жаңылоо жана айлана-чөйрөгө таасир этүүнү баалоо (АЧТБ) боюнча иштер графикке ылайык жүргүзүлүп жатканын жана ушул жылдын май айында аяктай турганын билдирди.

«Кыргыз Республикасы менен Тажикстан Республикасынын ортосундагы Мамлекеттик чек ара боюнча тарыхый келишимге кол коюу Борбордук Азияда өз ара ишенимди, жакшы коңшулаштыкты, туруктуулукту чыңдоо жана инвестициялык климатты жакшыртууда маанилүү кадам болду.Маалым болгондой, мамлекеттик чек ара боюнча ушундай эле келишимге Өзбекстан Республикасы менен мурда кол коюлган. Бүткүл аймак үчүн стратегиялык мааниге ээ болгон Камбар-Ата ГЭС-1 долбоору”, – деп баса белгиледи Адылбек Касымалиев.

Министрлер Кабинетинин башчысы 2025-жылдын экинчи жарымында Дүйнөлүк банктын Директорлор кеңешинин жыйынында бул долбоорду каржылоо маселесин кароодо Дүйнөлүк банктын жигердүү колдоосуна бекем ишенээрин билдирди.

Өз кезегинде Анна Бьерде Кыргызстандын реалдуу экономикалык жетишкендиктерин белгилеп, МинКаб башчысын Тажикстан Республикасы менен чек ара боюнча тарыхый келишимге кол коюу менен куттуктап, бул маселени кылдаттык менен байкаганын жана бул эки мамлекеттин башчыларынын лидерлик сапаттарынын аркасында мүмкүн болду деп санаарын баса белгиледи.

Камбар-Ата ГЭС-1дин курулушун талкуулоонун алкагында ал бул аймактык долбоорду колдоого толук даяр экендигин билдирди.

«Камбар-Ата ГЭС-1 долбоорун ишке ашырууда сиздер бизге ишене аласыздар», – деди Анна Бьерде.

Жыйындын соңунда өзгөчө кырдаалдарга ыкчам чара көрүү механизмин ишке ашыруу боюнча макулдашууга кол коюу аземи болду.