Сузакта Жогорку Кеңештин депутатын мөөнөтүнөн мурда шайлоо башталды
Бүгүн саат 08:00дө № 13 Сузак бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоо башталды. Добуш берүү саат 20:00дө аяктайт.
Борбордук шайлоо комиссиясынан билдиришкендей, шайлоого 7 талапкер ат салышууда:
- Лилиенталь Юлия Викторовна;
- Бегматов Бейшенбек Саматович;
- Кошалиев Мелисбек Ысманалиевич;
- Кылычбаев Алтынбек Таирович;
- Арапбаев Асилбек Ормонович;
- Сейдахматов Жыргалбек Орозбекович;
- Сапарбаев Медербек Мусаевич.
Аталган округ боюнча биротоло тизмедеги шайлоочулардын саны 124 миң 429, анын ичинен 62 миң 373ү эркектер (50,13%) жана 62 миң 56сы аялдар (49,87%). Жалпы 81 шайлоо участоктогу түзүлдү.
