Дыйкан-фермерлерге 11,9 млрд сомдук жеңилдетилген насыя берилди

 Дыйкан-фермерлерге 11,9 млрд сомдук жеңилдетилген насыя берилди

Кыргызстанда үстүбүздөгү жылдын тогуз айында мамлекеттик жеңилдетилген насыялоо программалары аркылуу 10 миң 476 дыйкан-фермерге жалпы 11,9 млрд сом каржылык колдоо көрсөтүлдү. Бул тууралуу министрлер кабинетинин төрагасы Адылбек Касымалиев Жогорку Кеңештин жыйынында билдирди.

Маалыматка ылайык, анын ичинен “Айыл чарбасын каржылоо-14” долбоорунун алкагында 5,4 млрд сом, агроөнөр жай комплексин насыялоого 5,3 млрд сом жана асыл тукум мал чарбасын өнүктүрүүгө 1 млрд сом бөлүнгөн.

Мындан тышкары, айыл чарба техникаларын жаңылоо багытында 2025-жылы лизингдик долбоорлор аркылуу 9,8 млрд сомго 2 миң 853 техника берилген. Ал эми 2026-жылдын биринчи жарым жылдыгында 5,8 млрд сомго дагы 1 миң 975 айыл чарба техникасы тапшырылган.

Ошондой эле 1-октябрда Кыргызстанда иштелип чыккан алгачкы спутник космоско учурулганы да маалымдалды. Ал эми айыл чарба жерлерин изилдөө үчүн 12 дрон колдонулган. Спутниктен жана дрондордон алынган маалыматтар жайыттарды калыбына келтирүү иштеринде пайдаланылат.

Связанный пост