Монополияга каршы кызмат базарларда жана соода түйүндөрүндө эттин баасын көзөмөлдөөнү улантууда

Экономика жана коммерция министрлигине караштуу Монополияга каршы кызмат эттин негизсиз баасын көтөрүп жиберүүнү алдын алуу максатында базарларда жана соода түйүндөрүндө эттин баасын көзөмөлдөөнү улантууда.

Текшерүүлөрдүн жүрүшүндө ар кандай аймактарда уй жана кой эттеринин баалары анализденди жана рейддердин жыйынтыгында төмөнкү баалар аныкталды:

– Бишкек ш.: уй этинин баасы килограммына 600дөн 650 сомго чейин, ал эми павильондордо жана ачык базарларда баалар бир аз айырмаланат.

– Талас ш.: базарда уй эти 490дан 520 сомго чейин, жабык соода түйүндөрүндө – 490дан 510 сомго чейин, павильондордо – 520 сом, «Глобус» супермаркетинде – 500 сом.

Кой эти жабык павильондордо килограммына 550дөн 560 сомго чейин сатылууда.

– Каракол ш.: уй этинин баалары 480ден 550 сомго чейин өзгөрөт, кой эти 530дан 550 сомго чейин турат.

Эттин көлөмү жетиштүү, бааны көтөрүүгө негиз жок.

– Нарын ш.: базарда уй эти 560дан 590 сомго чейин, «Глобус» супермаркетинде – 550ден 580 сомго чейин сатылууда.

Монополияга каршы кызмат ошондой эле чоң мүйүздүү малды жайлоодон массалык түрдө түшүрүү башталбаганын белгилейт.

Бул учурдагы эттин баасына чоң таасир этиши мүмкүн.

Күтүүлөргө караганда, мал октябрдын башында базарларга келе баштайт, бул эт рыногундагы абалды толук стабилдештирүүгө жардам берет.

Монополияга каршы кызмат базарларда жана соода түйүндөрүндө баалардын абалын тынымсыз көзөмөлдөп турат. Бул чара керектөөчүлөрдүн укуктарын коргоо жана өлкөдө атаандаштык эрежелерин бузган адилетсиз аракеттерди болтурбоо максатында жүргүзүлөт.