Бишкекте милиция кызматкерлери күчөтүлгөн тартипте кызмат өтөп жатышат
Милиция кызматкерлери күчөтүлгөн тартипте кызмат өтөп жатышат. Бул тууралуу Бишкек ШИИББнын басма сөз кызматы маалымдады.
2024-жылдын 17,18-май күндөрү чет өлкөлүк жарандар менен болгон окуяларга байланыштуу Бишкек гарнизонунун өздүк курамы 2500 минден ашуун элдик кошуундар менен бирге туруктуу негизде алдын алуу иштерди жүргүзүп коомдук тартипти жана жарандардын, чет өлкөлүк коноктордун коопсуздугун камсыз кылып жатканын билдирет.
Азыркы учурда интернет мейкиндигинде жалган маалыматтар тарап жатат, бул биздин жарандардын арасында коомдук резонанс жаратат. Ушуга байланыштуу, Бишкек шаарынын ички иштер башкы башкармалыгы чет өлкөлүк жарандарга карата куч колдонууга чакырган жалган маалыматтар аныкталса кылмыш жоопкерчилигине тартыларын эскертет.
Урматтуу чет өлкөлүк жарандар жана шаардын студенттери, Бишкек шаарынын ички иштер башкы башкармалыгы шаардын аймагында абал туруктуу экенин, жана кадимки жашоо образына кайтууга боло тургандыктарын билдирет.
