Омандын Султаны Садыр Жапаровду жана Кыргызстан элин Орозо айт майрамы менен куттуктады
Омандын Султаны Хайсам бин Тарик Кыргыз Республикасынын Президенти Садыр Жапаровду жана Кыргызстан элин Орозо айт майрамы менен куттуктады.
“Улуу урматтуу Сизге Орозо Айт майрамы менен чын жүрөктөн чыккан куттуктоолорубузду жолдоо – биз үчүн чоң кубаныч. Ушундай жакшы нерселерге байланыштуу Алла Тааладан мусулман коомчулугуна ырайымы менен берекесин беришин тилейбиз”, – деп айтылат куттуктоодо.
Хайсам бин Тарик Садыр Жапаровго бакыт-таалай жана бакубатчылык, ал эми дос Кыргызстан элине мындан аркы гүлдөп-өнүгүү каалады.
