ЖКККББ: Унаа уурдаган кыз кармалды

ЖКККББ: Унаа уурдаган кыз кармалды. Бул тууралук ЖКККББнын басма сөз кызматы маалымдады.

Бүгүн болжол менен саат 8:45 чамасында кең Чүй көчөсүндө жайгашкан ЖЭБтин (ТЭЦ) алдында токтоп турган Тойота Харриер үлгүсүндөгү унааны билгисиз жарандар айдап кетти деген маалымат келип түшкөн.

Бул факты боюнча Бишкек шаарынын аймагында “Тосмо” иш-мерчеми киргизилип, ыкчам издөө иш-аракеттери жүргүзүлүп, кайгуул кызматкерлери тарабынан кылмыш изи суй электе кылмышка шектүү катары 2001-жылы туулган О.Ж. аттуу айдоочу кыз мас абалында унааны айдап бере жаткан жеринен кармалган.

Азыркы учурда тергө амалдарын жүргүзүү үчүн Свердлов райондук ИИБнин Тергөө кызматына жеткирилди.