Садыр Жапаров ЖЭБдеги оңдоо иштерин мөөнөтүндө бүткөрүү тапшырмасын берди
Президент Садыр Жапаров бүгүн Бишкек Жылуулук электр борборуна (ЖЭБ) пландан тышкары барды. Бул тууралуу президенттин басма сөз катчысы Аскат Алагөзов билдирди.
Анын маалыматына караганда, президент үстүбүздөгү жылдын 2-февралында түзүлгөн штаттан тышкаркы кырдаалдан кийин жүргүзүлгөн оңдоо иштеринин жыйынтыгы менен таанышты.
“Садыр Жапаров Бишкек ЖЭБиндеги бардык пландаштырылган иш-чараларды белгиленген мөөнөтүндө аяктоо боюнча тапшырмаларды берди”, — деди Алагөзов.
