Акылбек Жапаров расмий сапар менен Түркияга келди
Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Акылбек Жапаров расмий сапар менен Анкара шаарына (Түркия Республикасы) келди.
Министрлер Кабинетинин Төрагасы Акылбек Жапаровду Анкара шаарындагы “Эсенбога” эл аралык аэропортунан Түркия Республикасынын Вице-президенти Жевдет Йылмаз тосуп алды.
Расмий сапардын алкагында МинКаб Төрагасы Соода-экономикалык кызматташуу боюнча кыргыз-түрк өкмөттөр аралык комиссиясынын 11-жыйынына жана кыргыз-түрк бизнес форумуна катышат.
Ошондой эле, Түркия Республикасынын расмий өкүлдөрү менен жолугат. Андан соң бир катар ишканалардын ишмердүүлүгү менен таанышат.
Жолугушуулардын жана жыйындардын соңунда эки тараптуу документтерге кол коюлат.
