Бишкек ЖЭБиндеги авария. Өзбекстан суюлтулган газ баллондорун жөнөттү
Кыргызстан менен Өзбекстандын тышкы иштер министрлери Жээнбек Кулубаев жана Бахтиёр Саидов телефон аркылуу сүйлөштү. Бул тууралуу КР ТИМдин басма сөз кызматынан кабарлашты.
Саидов Өзбекстандын президенти Шавкат Мирзиёевдин тапшырмасына ылайык, Бишкек ЖЭБдеги аварияга байланыштуу өзбек тарап Кыргызстанга жардам көрсөтүүгө даяр экендигин билдирди.
“Тактап айтканда, өзбек тарап жардам катары Андижан аркылуу Ош шаарына суюлтулган газ баллондорун жөнөткөндүгүн билдирди”, – деп айтылат маалыматта.
Өз кезегинде Кыргызстандын тышкы иштер министри Жээнбек Кулубаев көрсөтүлгөн жардам үчүн кесиптешине ыраазычылык билдирди.
