Күрпсай суу сактагычында форель кластери түзүлөт
Бүгүн, 24-январда, Балык чарба департаментинде “Күрпсай суу сактагычында форель кластерин түзүү” долбоору боюнча МЖӨ келишимине кол коюлду.
Долбоор “Алтай Корп” ЖЧК компаниясынын жана “Фреш Фиш Кей Джи” дыйкан-фермердик чарбасынын концорциуму аркылуу ишке ашырылат, ага Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Балык чарба департаменти мамлекеттик өнөктөштүк кылат.
Долбоор мамлекеттик бюджеттен кошумча каржылоосуз толугу менен жеке өнөктөш тарабынан каржыланат.
