Садыр Жапаров: Өлкөдө коррупция менен күрөш уланат
“Өлкөдө коррупция менен күрөш улантылат”, – деп Кыргыз Республикасынын Президенти Садыр Жапаров бүгүн, 16-декабрда, экинчи Элдик Курултайдын жүрүшүндө делегаттардан түшкөн суроолорго комментарий берип жатып, баса белгиледи.
Мамлекет башчысы бул багыттагы иштер күчөтүлөрүнө өзгөчө басым жасады.
Мындан тышкары, Курултайдын жүрүшүндө Садыр Жапаров укук коргоо органдарына тез арада Ош облусунун Алай районундагы Социалдык фонд башкармалыгынан келип түшкөн коррупция боюнча айтылгандарды текшерип, маалымат берүүсүн тапшырды.
Президент Садыр Жапаров буга чейин каза болгон пенсионерлер үчүн жер-жерлерде акча алган фактылар болгонун, бирок алар чечилгенин белгиледи. Бирок, эгерде ушундайлар улана берсе, анда коррупциянын бардык мүмкүн болгон факторлорун жок кылуу зарыл.
