Салык кызматы сейрек кездешүүчү өсүмдүктүн тамырын мыйзамсыз ташып чыгуу аракетине бөгөт койду

Мамлекеттик салык кызматынын кызматкерлери КР УКМКнын Чек ара кызматы менен биргеликте “Арнебия” өсүмдүгүнүн тамырын мыйзамсыз ташып чыгуу аракетин алдын алышты.

Алсак, “Ак-Жол – Автожолу” контролдук-өткөрмө пунктунда Кыргыз Республикасынын аймагынан Казакстан Республикасына кетип жаткан унаа текшерүүгө алынган.

Жыйынтыгында жалпы салмагы 825 килограммды түзгөн, жоголуп бара жаткан категорияда Кызыл китепке киргизилген “Арнебия” өсүмдүгүнө окшош өсүмдүк тамыры менен 55 куту табылды.

Жүктүн коштоочу документтери жок экендиги аныкталган. Авто унаа жагдай аныкталганга чейин убактылуу токтотуучу жайга киргизилип, материалдар мыйзамдарга ылайык чара көрүү үчүн компетенттүү органдарга өткөрүлүп берилди.