Бишкектин Свердлов районунун билим берүү мекемелеринде санитардык рейддер өткөрүлдү
Билим берүү мекемелеринде жана мектепке чейинки билим берүү уюмдарында балдардын коопсуздугун камсыз кылуу максатында тамак-аш азыктарынын ассортименти жана санитардык эрежелердин жана ченемдердин сакталышы текшерилди
Белгилей кетсек, балдардын билим берүү уюмдарында балдардын тамактануусун уюштуруу Кыргыз Республикасынын Өкмөтүнүн
2016-жылдын 11-апрелиндеги № 201 токтому менен бекитилген “Мектепке чейинки билим берүү уюмдарынын түзүлүшүнө, аларды күтүүгө жана иштөө режимин уюштурууга карата санитардык-эпидемиологиялык талаптар” санитардык-эпидемиологиялык эрежелери жана ченемдерине ылайык жүргүзүлөт.
Иш-чаранын жүрүшүндө 12 мектеп жана 10 бакча текшерилди. Аныкталган тартип бузуулар боюнча текшерүүнүн жыйынтыгында жетекчилердин атына тамактанууну уюштурууну жакшыртуу боюнча 6 санитардык эскертүү даярдалып, КР укук бузуулар жөнүндө кодексине ылайык 2 протокол түзүлгөн.
