Кызыл Жылдыз айылында 225 орундуу жаңы мектеп ачылды
Бүгүн, 16-октябрда Нарында окуучулар үчүн жаңы мектеп эшигин ачты.
Нарын облусунун Жумгал районуна караштуу Кызыл Жылдыз айылындагы К.Акыев атындагы билим уясын куруу иштери 2016-жылы республикалык бюджеттин эсебинен башталган. Мектеп 2 кабаттуу 2 окуу корпусунан туруп, 225 орунга ылайыкташтырылды.
Бүгүнкү күндө мектептин курулуш-монтаждоо иштери жана спорт зал корпусу толук бүткөрүлдү.
Мектептин айланасын жашылдандыруу жумуштары да 100%га аткарылды.
