Республикалык бюджеттен Ош облусуна 777,4 млн сом бөлүндү

Республикалык бюджеттен Ош облусуна 777,4 млн сом бөлүндү. Бул тууралуу КРнын Финансы министрлигинин басма сөз кызматы маалымдады.

Кыргыз Республикасынын Ош облусунун 2023-жылдын 8 айына  карата республикалык бюджеттин эсебинен каржыланган каражаттар боюнча маалымат:

Бюджеттер аралык трансферттер :

Ош облусу боюнча 2023-жылдын 8 айына карата республикалык бюджеттин эсебинен бюджеттер аралык трансферттер катары 777,4 млн сом акча каражаты каржыланган, алар:

1. Теңдөөчү трансферт – 627,1 млн сом;

2. Ыйгарым укуктарды берүүгө -46,3 млн сом;

3. Электрэнергиясына болгон 50% компенсацияга – 16,3 млн сом;

4. Жер салыгынын жоготууларынын ордун толтурууга – 19,2 млн сом;

5. Айыл өкмөттөрдүн башкы планына- 68,5 млн сом,

Мындан тышкары капиталдык салымдар беренеси боюнча 211 объектке 1,18 млрд сом бөлүндү.