Нарындагы баардык орто мектептерде акыркы коңгуроо салтанаты өттү
Нарын шаарындагы 8 орто мектептен 11-классты 427, 9-классты 746 окуучу ийгиликтүү аякташты. Бул тууралуу Нарын шаардык мэриясынын басма сөз кызматы маалымдады.
Бүгүн баардык орто мектептерде акыркы коңгуроо салтанаттары уюштурулуп, бүтүрүүчүлөргө каалоо тилектер айтылды.
Ошондой эле окуу жылынын аякташы менен алдыңкы окуучуларга жана коомдук иштерге жигердүү катышкан, ар кандай кароо саныктан ийгилик жараткан, жалпы 80 окуучуга Нарын шаардык мэриясынын Нарын шаардык Кеңешинин ыраазычылык каттары жана Нарын шаарынын мэринин стипендиялары тапшырылды.
