Бишкектен Баткенге үзгүлтүксүз авиакаттамдар жанданат
Бишкектен Баткенге үзгүлтүксүз авиакаттамдар жанданат. Бул туралуу «МЭА» ААКнун басма сөз кызматы билдирди.
2023-жылдын 18-майынан тартып Бишкек-Баткен-Бишкек багыты боюнча үзгүлтүксүз авиакаттамдар жанданууда.
Ата мекендик «Тез Жет» авиакомпаниясы каттамдарды жумасына бир жолу – бейшемби күндөрү аткарат.
«Баткен» аэропорту үстүбүздөгү жылдын 1- апрелинен тартып аэродромдун элементтерин оңдоо жана калыбына келтирүү иштерине байланыштуу убактылуу жабылган.
