Бишкекте тез татым жайынан өрт чыкты

Бишкек шаарынын 12-кичи районунда жайгашкан тез татым жайынан өрт чыкты. Бул тууралуу Өзгөчө кырдаалдар министрлиги билдирди.

Маалыматка ылайык, өрттү өчүрүүгө саат 03:22де бир күжүрмөн эсеп тартылып, тилсиз жоо саат 04:36да толугу менен өчүрүлгөн.

Өрттүн келип чыгуу себептери жана келтирилген чыгымдар тууралуу маалыматтар такталууда.