“Жунда” заводун ишке киргизүү графиги каралды

Министрлер кабинетинин төрагасы Адылбек Касымалиев “Жунда” мунайды кайра иштетүүчү заводунун (ЖАК “Чайна Петроль Компани”) ишмердүүлүгү боюнча жумушчу кеңешме өткөрдү.

Кеңешменин жүрүшүндө заводдун учурдагы абалы, анын технологиялык модернизациясынын жүрүшү жана өндүрүштүк циклди кайра баштоо графиги талкууланды. Ишкананын ички рынокту күйүүчү-майлоочу майлар менен камсыз кылуудагы ролуна өзгөчө көңүл бурулду.

Адылбек Касымалиев дүйнөлүк рыноктордогу туруксуздуктун фонунда “Жунда” заводун ишке киргизүү маселеси өтө маанилүү болуп жатканын баса белгиледи.

Жолугушуунун алкагында заводду чийки зат менен камсыз кылуу, экологиялык стандарттарды сактоо жана оңдоо иштерин аяктоо маселелери деталдуу каралды.