Улуттук банк эки жаңы банкка лицензия берди
Улуттук банктын башкармалыгынын 13-майдагы чечими менен эки жаңы банкка лицензия берилди.
Финансылык жөнгө салуучу органдын маалыматына караганда, төмөнкү банктарга улуттук жана чет өлкө валютасында банктык операцияларды жүргүзүү укугу берилди:
- “Кылым Банк” ачык акционердик коому;
- “Мурас Банк” жабык акционердик коому.
Белгилей кетсек, бул чечим өлкөдөгү банктык кызмат көрсөтүүлөрдүн жеткиликтүүлүгүн арттырууга жана каржы рыногундагы атаандаштыкты күчөтүүгө багытталган. Жаңы түзүлгөн банктар эми мыйзам чегинде кардарларды тейлөө, депозиттик жана кредиттик операцияларды жүргүзүү, ошондой эле валюталык операциялар менен алектенүү укугуна ээ.
