Кыргызстандыктарды Түркияга ишке орноштурган 4 компаниянын иши токтотулду

Түркияда кыргызстандыктарды ишке орноштуруудагы мыйзам бузууларга байланыштуу 4 компаниянын иши токтотулду. Бул тууралуу Эмгек, социалдык камсыздоо жана миграция министрлигинен билдиришти.

Жарандарды чет өлкөдө ишке орноштуруу борбору мониторинг жүргүзүп, Түркияга жумушчу жөнөтүүчү айрым компанияларда төмөндөгүдөй мыйзам бузууларды аныктаган:

• Уруксат алууда мамлекеттик органга жалган маалыматтарды берүү;
• Түркиядагы иш берүүчү же ортомчу уюмдар менен болгон чыныгы кызматташтыгы тууралуу маалыматтарды жашыруу;
• Министрлер кабинети бекиткен жобонун талаптарын сактабоо.

Натыйжада төмөнкү компаниялардын иши убактылуу токтотулду:

1. “Голден ворк & тревел” ЖЧК;
2. “Айрис Тревел” ЖЧК;
3. “Рамай-Саякат” ЖЧК;
4. “Аска-Трэвел” ЖЧК.