“Кыргыз темир жолу” 30 атайын техника сатып алды
“Кыргыз темир жолу” улуттук компаниясы” мамлекеттик ишканасы 30 даана жаңы атайын техника менен камсыз болду. Бул тууралуу ведомстводон маалымдашты.
Атайын техникалардын жана кызматтык унаалардын ачкычтары ишкананын филиалдарына салтанаттуу түрдө тапшырылды.
Анын ичинде 25 экскаватор, мини-экскаватор, автокран, оор жүк ташыган атайын техникалар жана 5 Chevrolet Tracker үлгүсүндөгү кызматтык унаалар бар.
Алынган техникалардын 19у ата мекендик өндүрүштөн, ал эми 11и Кытайдан сатып алынды.
