Кыргызстанда аркар жана тоо текени эл аралык каттоо жүргүзүлүүдө
Кыргызстанда тоолуу аймактарды өнүктүрүү жана Эл аралык тоолор күнүнүн алдында аркар жана тоо текенин популяцияларын көз карандысыз эл аралык мониторинг башталды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Мориторинг КР Улуттук илимдер академиясы, Жаратылыш ресурстары министрлиги, президенттин аппаратына караштуу Кыргыз мамлекеттик мергенчилик чарбасы жана чет элдик адистер биргеликте Wild Sheep Foundation`дин каржылык колдоосу менен жүргүзүшүүдө.
Мониторинг Иссык-Көл облусунун Барскоон айылынан башталып, Үзөңгү-Кууш, Ак-Шыйрак жана Ыстык сыяктуу үч негизги аймакты камтыйт.
Мониторингдин биринчи күнүндө эксперттик топтор болжол менен 450-500 архарды катташкан. Ошондой эле президенттин Аппаратына караштуу Кыргыз мамлекеттик мергенчилик чарбасына тиешелүү аймакта адистер болжол менен 900 архарды катташкан.
Мониторингдин негизги максаты – архар жана чабар популяцияларынын абалы тууралуу маалыматтарды жаңылоо, алардын корголушун бекемдөө, ошондой эле Борбордук Азия мамлекеттери арасында мамлекеттер аралык кызматташууну өнүктүрүү жана илимий маалыматтарды алмашуу.
Иш-чара Борбор Азиядагы жапайы жаныбарларды эсепке алуу боюнча биргелешкен меморандумдун алкагында өткөрүлүп, ага Монголия, Казакстан, Өзбекстан жана Тажикстандан окумуштуулар жана адистер кошулган.
Азыркы эсеп толугу менен көз карандысыз болуп, 2025-жылдын 16-декабрына чейин уланат.
Кыргыз Республикасындагы аймак салыштырмалуу кичине болбосо да, өлкө дүйнөлүк флоранын 3% жана фаунанын 2% түзгөн биоартүрдүүлүктү камтыйт.
