Мектептерге жаратылыш таануу сабагы боюнча жаңы китептер таратылат

Кыргызстандын мектептерине жаратылыш таануу сабагы боюнча жаңы окуу китептери жеткириле баштады. Агартуу министрлигине караштуу “Окуу китеби” басма үйү” жаратылыш таануу сабагы боюнча жаңы окуу китептеринин келгенин маалымдады.

Маалыматка ылайык, китептер өлкөдөгү мектептерге таркатылып жатканын белгилешти. Жаңы басылмалар жаңыланган мамлекеттик билим берүү стандарттарына ылайык иштелип чыгып, жаратылыш илимдерин окутуунун сапатын жогорулатууга багытталган.

Эске салсак, буга чейин билим берүү министри Догдуркул Кендирбаева өлкө президентинин тапшырмасы менен жаңы муундагы окуу китептерин массалык түрдө чыгарууга 744 миллион сом биринчи ирет бөлүнгөнүн билдирген.