Кыргызстанда очогунда күчү 6 баллга жеткен жер титирөө катталды
Бүгүн, 6-октябрда саат 02:29да Кыргызстанда очогунда күчү 6 баллга жеткен жер титирөө катталды. Бул тууралуу Сейсмология институтунун маалыматына таянып, Өзгөчө кырдаалдар министрлиги билдирет.
Маалыматка ылайык, жердин силкинүүсү Жалал-Абад облусунун Чаткал районунун Башкы-Терек айылында 5,5 балл, Чакмак-Суу айылында 5 балл жана Талас облусунун Талас шаарында 4 баллга чейин сезилген.
Алдын ала маалымат боюнча жабыркагандар жана кыйроолор катталган жок. Учурда Сейсмология институту кошумча тактоо иштерин жүргүзүүдө.
