Оор атлетика боюнча курама команда Азия чемпионатынан келди
18-октябрда Манама шаарында (Бахрейн) өткөн Азия чемпионатына катышкан оор атлетика боюнча Кыргыз Республикасынын улуттук курама командасынын мүчөлөрү Бишкек шаарына келишти.
«Манас» эл аралык аэропортунан спортчуларды Спорттун олимпиадалык түрлөрү боюнча дирекциянын директору Мелис Тобокелов, оор атлетика боюнча федерациянын мүчөлөрү, спортчулардын жакындары, достору жана күйөрмандары тосуп алышты.
Белгилей кетсек, Азия чемпионатында Эмил Молдодосов (89 кг чейин) жана Бакдөөлөт Расулбеков (102 кг чейин) күмүш медалга ээ болушкан.
