Ниагара Эгемендүүлүк күнүнө карата Кыргызстандын желегинин түсүндө жаркырайт
Эгемендүүлүк күнүнө карата Ниагара шаркыратмасы Кыргызстандын желегинин түстөрүндө жарыктандырылат. Бул тууралуу Кыргызстандын АКШ жана Канададагы элчилигинен билдиришти.
Маалыматка ылайык, жарыктандыруу саат 22:30да башталып, 15 мүнөткө созулат. Канада жана Америка Кошмо Штаттары тараптан көрсө болот.
Канадада жашаган кыргызстандыктар үчүн жолугушуу, гимндин аткарылышы, “Кара-Жорго” флешмобу, ошондой эле комузда музыкалык номер тартуулануусу пландалууда. Жолугушуу жери – Table Rock Southeast Flagpole.
Элчилик Монреалдагы KG Québec-communauté kirghiz кыргыз коомчулугуна жана Niagara Parks мекемесине ыраазычылык билдирет.
