Эгемендүүлүк күнүнө карата Баткен районунда 3 ишкана ишке кирет

Эгемендүүлүк күнүнө карата Баткен районунда 3 өндүрүш ишканасы ишке кирет. Бул тууралуу президенттин аймактагы өкүлчүлүгүнөн билдиришти.

Күн мурун президенттин өкүлү Айбек Шаменов район аймагында жаңыдан бүткөрүлгөн өндүрүш ишканаларынан кабар алды. Алар;

1. Самаркандек айылындагы мөмө-жемишти кайра иштетүүчү цехи.
   Цех суткасына 5 тонна мөмө-жемиштерди кайра иштетүү мүмкүнчүлүгүнө ээ.
   Ишканада 30 жумуш орду түзүлөт. Долбоордун жалпы наркы 16 млн сом.
2. Ак-Татыр айылындагы желим идиштерди чыгаруучу жана кайра иштетүүчү цехи.
   Долбоордун жалпы наркы 52 млн сом. 30 жумуш орду түзүлөт.
   Ишканада тамак-аш азыктары үчүн жогорку сапаттагы чийки заттан желим жана кагаз идиштери чыгарылат. Ошондой эле желим идиштер кайра иштетилет.
3. Төрт-Гүл айыл өкмөтүнүн Жаңы-Жер айылындагы мөмө жемиштерди тоңдуруп сактоочу цехи (ваакуумдук муздаткыч).
   500 тонна мөмө жемиштерди сактоого ылайыкташкан. 5 жумуш орду түзүлөт.
   Долбоордун жалпы наркы 22 млн сом.