Салык кызматы I кварталда 63,8 млрд сом салык чогултту
2025-жылдын январь-март айларында 63 млрд 852,2 млн сом салык жана төлөмдөр чогултулду. Бул тууралуу Мамлекеттик салык кызматы билдирет.
Маалыматка ылайык, салык чогултуу боюнча план 4 млрд 388,6 млн сомго ашыгы менен аткарылды. Түшүүлөр өткөн жылдын ушул мезгилине салыштырмалуу 15,8 млрд сомго көп.
Камсыздандыруу төгүмдөрү боюнча 19 млрд 114,5 млн сом чогултулуп, план 1 млрд 14 млн сомго ашыгы менен аткарылды. Камсыздандыруу төгүмдөрү боюнча жыйымдардын өсүшү 2024-жылдын январь-март айларына салыштырмалуу 1,5 млрд сомду түздү.
Чогултулган салыктардын жана камсыздандыруу төгүмдөрүнүн жалпы суммасы 2025-жылдын I кварталында 82 млрд 966,7 млн сомго жетти.
