Түркиялык компания Бишкек-ЖЭБ 2 газ станциясынын курулушуна 3 млрд сом инвестиция салат

Энергетика министри Таалайбек Ибраев менен «Орто Азиялык инвестициялык Холдинг» ААКсынын башкы директору Орен Ахмет Мужахид менен Бишкек ЖЭБ-2де 250 МВт кубаттуулуктагы газ куюучу станцияны куруу долбоору боюнча сүйлөшүүлөрдү өткөрдү.

Ведомстводон билдиришкендей, долбоорду ишке ашыруу мөөнөтү 2–4 жыл. Долбоордун бюджети 443 миллион АКШ долларын түзөт.

Учурда «Орто Азиялык инвестициялык Холдинг» ААКсы Бишкек ЖЭБ-2 газ куюучу станциясынын курулушуна 3 миллиард сомго жакын инвестиция жумшай турганын билдирди.

Бишкек шаарындагы ЖЭБ-2нин курулушу өлкөнүн энергетикалык потенциалын жогорулатууга багытталган стратегиялык инфраструктуралык долбоор болуп саналат. Бул калкты жана ишканаларды электр жана жылуулук энергиясы менен туруктуу камсыз кылууга, энергетика системасынын ишенимдүүлүгүн жогорулатууга, экологиялык абалды жакшыртууга мүмкүндүк берет.

Эске салсак, 2024-жылдын 20-сентябрында министрлер кабинети менен «Орто Азиялык инвестициялык Холдинг» ААКсынын ортосунда инвестициялык макулдашууга кол коюлган.

Ибраев компаниянын башкы директору Орен Ахмет Мужахидке Бишкек ЖЭБ-2нин техникалык-экономикалык негиздемесин 3 айдын ичинде бүтүрүп, долбоорду тез арада ишке ашырууну сунуштады.

«Орто Азиялык инвестициялык Холдинг» ААКнын башкы директору министрдин сунушун кабыл алып, ишти тездете турганын билдирди.