ЕАӨБ: Кыргызстандын экономикасынын өсүшү уланууда
2025-жылдын январь айынын жыйынтыгы боюнча Кыргызстандын экономикасы тездетилген темп менен өсүүнү улантты. Евразия өнүктүрүү банкынын маалыматына ылайык, ИДПнын өсүшү жылдык мааниге карата 10,6%ды түздү.
ЕАӨБ аналитиктери белгилегендей, экономикалык өнүгүүнүн негизги көрсөткүчү катары керектөө суроо-талабы жогору бойдон калууда. Январь айында ички сооданын көлөмү дароо 39% кошту. Тейлөө чөйрөсү (сооданы кошпогондо) 23%, иштетүү тармагы +13% өстү.
ЕАӨБ серепчилери жыл бою Кыргызстандын экономикалык өнүгүүсүнүн негизги көрсөткүчтөрү оң динамикасын сактайт деп эсептешет. 2025-жылы экономикалык өсүш 8,7% деңгээлинде болот деп болжолдонууда.
Жалпысынан коңшу мамлекеттерде да оң көрүнүш байкалууда. Беларусь, Россия, Казакстан, Тажикстан жана Өзбекстандын экономикасы дүйнөлүк экономикага караганда ылдам өсүүдө, инфляция төмөндөп жатат, анын деңгээли 4-5%дан ашпайт, алдыда көрсөткүчү дагы азайышы мүмкүн.
