Кыргызстанда абанын сапатын жакшыртуу боюнча долбоор ишке кирди

“Кыргызстанда абанын сапатын жакшыртуу” долбоору ишке киришүүдө. Бул тууралуу Жаратылыш ресурстары, экология жана техникалык көзөмөл министрлигинен билдиришти.

Долбоор Эл аралык өнүктүрүү ассоциациясы менен түзүлгөн келишимдин алкагында ишке ашырылууда жана 2024-жылдан 2030-жылга чейинки аралыкты камтыйт. Анын бюджети 50 млн долларды түзөт.

Долбоордун негизги багыттары:

Ключевые направления проекта:

1. Абанын сапатын башкаруу тутумун бекемдөө

– булгануу көзөмөлдөө, анализдөө жана мониторинг жүргүзүүнүн заманбап тутумун түзүү.

2. Жылытуу үчүн экологиялык чечимдерди колдоо

– үй чарбалары үчүн жеткиликтүү таза жылытуу технологияларын киргизүү.

3. Шаардык жашылдандырууну жакшыртуу

– Бишкекте жашыл тилке түзүү, ирригациялык тутумдарды модернизациялоо жана жаңы бак-дарактарды отургузуу.

Долбоор кандай жыйынтык берет?
– абанын сапаты жакшырып, булганышы азаят;
– PM2.5 жана парник газдарынын булгануусун азайтат.
– экологиялык таза жылытууну өнүктүрүү.
– ыңгайлуу жана жашыл шаардык чөйрөнү түзүү.

“Долбоор өлкөнүн экологиялык туруктуулугун жана жарандардын жашоо сапатын жакшыртууга багытталган”, – деп билдирет Жаратылыш ресурстар министрлиги.