Египеттин Президенти Абдель Фаттах Аль-Сиси Президент Садыр Жапаровду жана Кыргызстан элин Жаңы жыл менен куттуктады
Египет Араб Республикасынын Президенти Абдель Фаттах Аль-Сиси Кыргыз Республикасынын Президенти Садыр Жапаровго жана Кыргызстан элине жаңы жыл менен куттуктоо жолдоду.
“2025-жылдын келишин куттуктап жатып, Сизге жана достук мамиледеги Кыргызстандын элине гүлдөп-өнүгүүгө жана бакытка толгон эң жылуу каалоолорумду айтам.
Ушул өзгөчө учур боюнча келерки жылы дүйнө жүзүндөгү адамдардын ортосундагы диалогду жана өз ара түшүнүшүүнү өнүктүрүү приоритет болооруна чын дилимден ишенгим келет. Келгиле баарыбыз кийинки муундардын жаркын келечегин камсыз кылуу үчүн зордук-зомбулукту жана жек көрүүнү четке кагып, тынчтыкты жана толеранттуулукту бекемдөөгө умтулалы.
Мындан тышкары, биздин өлкөлөр ортосундагы өзгөчө мамилелерди чыңдоого болгон бекем берилгендигибизди баса белгилегим келет. Биргелешкен аракеттердин жана өз ара кызыкчылык туудурган маселелерди тынымсыз координациялоонун аркасында биз глобалдык көйгөйлөрдү чечүүдө олуттуу прогресске жетише алабыз деп ишенем. Жакынкы Чыгыш регионуна өзгөчө көңүл буруу керек, анда адам өмүрүн сактап калуу үчүн учурдун актуалдуу маселелерин адилеттүү жана тынч чечүү жолдорун издөө маанилүү.
Бул жыл Сизге жана элиңизге мындан аркы гүлдөп-өнүгүүнү, өнүгүүнү жана бекем тынчтыкты алып келсин”, – деп айтылат куттуктоо телеграммасында.
